ILOILO CITY — Patay ro sangka 25yo nga eaeaki matapos bun-on it anang magueang sa Mandurriao, Iloilo City.
Ginkilaea ro biktimang si Pio Jay Jabatan, samtang ro suspek nga anang magueang hay si Eldrick Jabatan, 30yo.
Sa report it Mandurriao PNP, hilong ro suspek kat umuli sa andang baeay ag nakaangkon sanda it diskusyon it biktima bangud sa charger.
Dikara ag ginbuno it suspek ro anang manghud nga inigu sa dughan.
Nadaea pa sa ospital ro biktima pero namatay man samtang ro suspek hay kulong eon sa Mandurriao PNP.
Samtang, owa man it planong magpasaka it kaso ro pamilya. / ANN DESLENE SALAZAR
