Padayon nga ginapabuoeng sa ospital ro 46-anyos nga eaeaki matapos gibuno it anang bayaw sa Barangay Fundacion, Pototan Iloilo.
Ginkilaea ro biktima nga si Nolan Isidro samtang ro suspect sa krimen hay si Anthony Labiscase pareho nga residente it nasambitan nga lugar.
Base sa Pototan Municipal Police Station, hilong segun kat nag-uli si Isidro ag nagbaisay ro daywa.
Gintiklod pa segun it suspect ro biktima rason it pagtumba kara.
Nagbueo man it kutsilyo si Labiscase ag ginbuno sa itchura si Isidro ag nagpalagiw raya.
Dati nga away ro ginatan-aw nga motibo sa krimen.
Desidido man nga magpasaka it kaso ro biktima kuntra sa suspek./JIL B. LACSON
