Makasuebo ro natabo sa sangka eaeaki nga ginbuno bangud nakakabit pa sa tiyan it biktima ro kutsilyo nga gingamit sa pagbuno kat gindaea raya sa ospital kagab-i.
Ginkilaea ro biktima nga si Audy Legaspi, 42-anyos it Zone 1, Barangay Nabitasan, La Paz, Iloilo.
Samtang, ro suspect hay ginkilaea nga si Edelberto Legaspi ag kampod man it biktima.
Base sa barangay tanod it Nabitasan, La Paz, ginbuno si Legaspi samtang nagakatueog raya sa baeay it suspect.
Base man sa kumpirmasyon it nanay it suspect nga si alyas Marilou, may deperensiya sa utok ro suspetsado ag posible nga ginhimo raya it anang unga bangud pirme ginasakit it biktima ro suspect.
Sa presente, nagpabueong si Audy sa ospital ag nag-surrender man sa La Paz Police Station si Edilberto./JIL B. LACSON
