Kulong sa Numancia MPS ru sangka eaeaki nga naga pataya it illegal nga bookies sa Numancia, Aklan kabie, Hunyo 25.
Nakilaea ru nadakpan nga si Antonio Maghari, 58 anyos ag residente it Brgy. Bugasongan, Lezo, Aklan nga haeos may sang buean eon nga gin paidaeom sa monitoring it mga kapulisan.
Sa operasyon it Numancia MPS, na recover ru pataya nga naga-abot sa Php1,200 ag dugang nga Php20 pesos nga marked money samtang, pihak nga bahin, padayon gihapon ru pagpadumdom it mga kapulisan nga hugot nga gina bawae ru illegal nga sugae agud malikawan ru nagakaigo nga sanction.//MARIVIC Y. ILIN
