LIBACAO,AKLAN—Naka angkon it eabo sa tiyan ag likod ru biktimang 53 anyos samtang nakikipag-inuman sa suspek sa Brgy. Janlod, Libacao, Aklan kahapon.
Sa report, nakilaea ru biktima nga si Leonil Nacino, sa legal nga edad ag residente it Brgy. Janlod , Libacao, Aklan.
Samtang, nakilaea ru suspek nga si Niel Nemis , 34 anyos ag residente man it nasambit nga lugar.
Natabo ru insidente kat gulping linapitan it suspek ru biktima samtang naga tindog ag nakipag-inuman sa covered court.
Eagi man nga gin daea sa hospital ru biktima ag padayon pa nga gina bueong.
Samtang, naka paeagyo ru suspek paeayo sa lugar.
Nasayuran nga nagsurrender ru suspek sa Madalag MPS ag gin endorso sa Libacao MPS.
May posibilidad nga paga kasuhan it Frustrated Homicide ru suspek.
Nasayuran nga dating bagina ru gina turo nga motibo it suspek.//MARIVIC Y. ILIN