Ginbunaean it tubo ro sangka eaeaki it kaugalingon nana nga gumankon sa Brgy. Pudiot Tangalan, Aklan.
Ginkilaea ro biktimang si Ron Taladtad 41yo samtang ro suspek nga gumankon kara hay si Nino Taladtad ag parehung residente sa nasambit nga lugar.
Nasayuran nga nagsubeang ro biktima ag suspek kung siin, sangkiri eang segun sanda nga nagsunggaban ngani nakabuhi it hambae ro biktima nga baywon nana ro suspek.
Parehu man nga nagpanaw ro daywa ag kat makaabot sa baeay ro biktima hay pumungko raya sa anang motorsiklo pero owa nana napan uhan nga bumalik ro suspek ag binunae imaw it tubo sa likod kamana man sa pilang parte it anang eawas.
Sa makarun hay naka confine ro biktima sa Aklan Provincial Hospital samtang ro suspek hay sa kustodiya eon it Tangalan MPS. / ANN DESLENE SALAZAR
