Naka angkon it tama’t pagbuno sa tiyan ru sangka 30 anyos nga eaeaki matapos magdiskusyon sa sangka namatyan sas Brgy. Toralba, Banga, Aklan.
Sa report, nakilaea ru biktima nga si Cristian Rembulat, 30 anyos it Brgy. Dingle Banga, Aklan.
Samtang, nakilaea ru suspek nga si Junre Inggalia , 25anyos it Brgy. Toralba, Banga, Aklan.
Linambangan ru biktima it suspek samtang naga baktas sa karsadahon halin sa sangka namatyan sa lugar.
Nakabaeos pa ru biktima pina agi sa pag bayo ag dayon dumaeagan paadto sa baeay it sangka pulis ag dayon gin buligan nga mahatod sa hospital.
Kulong sa makaron ru suspek sa Bnaga MPS ag maga pangatubang it kasong Frustrated Homicide.//MARIVIC Y. ILIN
