ILOILO CITY- Patay ro sangka eaeaki matapos barilon it anang kaeapitbaeay sa Sta. Barbara, Iloilo.
Ro biktima hay ginkilaea kay Felix Soqueño, 45yo nga nag angkon it nina sa ueo ag alima ag iba pa nga bahin it anang eawas.
Samtang ro suspek hay nakilaea kay Rey Gabata, sangka seaman.
Sa imbestigasyun, nakaangkon it diskusyon sa magtimbang nga parte matapos nag-agi sa right of way nga ginaangkon it suspek ro multicab it biktima nga may karga nga baeas.
Mabuhay eon segun nga ginabawaean it suspek ro pirmeng pag-agi it biktima bangud naga-crack ro pader it anang baeay.
Matapos ro diskusyon it daywa, nagsueod sa baeay ro suspek ag nagbuoe it armas ag binaril ro biktima nga nakadaeagan pa pero gin-eagas gihapon it suspek ag binaril ro biktima hasta natumba.
Insigida man nga nagpaeagyo ro suspek matapos ro insidente.
Nasayuran nga may nabdus pa nga naigu kat nagpa eupok ro suspek.
Narekober man ro lima ka bala it caliber .30 sa crime scene. / ANN DESLENE SALAZAR
