Arestado ro sangka eaeaki sa sangka bar sa may Sitio Diniwid, Brgy Balabag sa isla it Boracay ku Hulyo 1 it gabii.
Ginkilaea ro inaresto nga si AL JOSEPH GUZMAN y DE PEDRO, 36 anyos.
Narekober sa posisyon kara ro sangka caliber 38 pistol nga loaded it ap-at nga bala ag may serial number 4044354.
Si Guzman hay ginpasakaan eon it kasong pag eabag sa R.A. 10591 o Comprehensive Firearms and Ammunition Regulation Act sa Provincial Prosecutor pinaagi it Inquest Proceedings.
Ro akusado hay nagapabilin sa kustodiya it Malay PNP samtang pending ro pag isyu it commitment order sa ARC bangud sa kapaseawan nga makapagpiyansa it P120,000. / ANN DESLENE SALAZAR
