Dakop ro sangka eaeaki sa ginkasa nga drug buy bust operation it PDEU-Aklan ag Kalibo PNP sa may N. Roldan St., Kalibo kaina it pasado ala una it kaaganhun.
Ginkilaea ro subject person nga si Rico Salardo alyas ‘jun’, 47yo, native it Mindanao, samtang nadakpan man ro ginasugid nga runner kara nga ginkilaea nga si Roel Apolinario alyas ‘nene’.
Si alyas ‘nene’ ro mismong nagbatun it buybust money nga P2,200 kabaylo it sangka sachet it suspected shabu.
Sa ginpatigayun nga body search sa daywa, nakarekober pa ro mga otoridad it 12 sachets it suspected shabu nga nakabutang sa kaha it sigarilyo.
Nakataeana nga daehon ro daywa sa Capiz para magpaidaeum sa drug test.
Nasayuran nga may sang buean nga ginamonitor it mga otoridad ro nasambit nga subject person. // ANN DESLENE SALAZAR
