MOKABAT sa dul-an P9,000 ang natigom nga tabang alang sa usa ka 27-anyos nga lalaki nga adunay high grade sarcoma sulod sa duha ka oras nga panawagan sa Brigadahan GenSan.
Si Christian Rey Cataga, 27-anyos, nga taga purok Mendoza, Brgy.Calumpang ang mag duha ka tuig na nga nag-antus sa kasakit ug kabug-at sa hubag sa iyang bukton.
Nabun-og daw sa basketball ug naay nibuto nga ugat sa pagpanarbaho sa lawod.
Tungod sa gibati, nagpa MRI ug resulta high grade sarcoma ang findings sa doctor.
Cancerous ang hubag ug nag-advice ang doctor nga ipaputol ang bukton
apan tungod sa kawad-on wala napadayun.
Ang lola niini ang nagpadako kaniya human namatay ang inahan ug ginatabangan sa igsuon niini sa inahan.
Sa nadawat nga tabang, gipasalamatan ni Christian Rey ang tanang mitabang kaniya, miyembro man o dili tungod may magamit na kini nga ipalit og tambal ingon man sa pagpatan-aw sa doctor kung unsa ang angayang buhaton.
Anaa sa P5,600 ang natigom pinaagi sa Gcash ug sa mga mihatod sa sibyananan og donasyon alang kang Christian Rey, ug gidugangan sa Brigada og P3,000 ug may nakasobre pa nga gitunol kaniya nga wala na maihap ang sulod niini.
