Wala makaikyas sa mga personahe sa Mati Public Safety ang usa ka 13 anyos nga lalaki human makuhaan og bag nga adunay sulod nga mga hinagiban. Matud sa taho sa Public Safety Office, ang batan-on naagihan sa nagpatrolyang sakyanan sa PSO pasado alas 8:39 karong gabii sa may Nazareno, Barangay Central.
Sumala pa nga gilabay sa maong batan-on ang sakyanan sa nagpatrolyang PSO ug sa dihang gisita kini, didto na nakita ang iyang dalang bag nga adunay sulod nga kutsilyo ug Indian Pana.
Daling gidala sa mga personahe sa Public Safety ang batan-on ngadto sa buhatan sa Mati City Police Station aron kini maimbestigahan.
