Wala nay kinabuhi nga midagsa sa baybayon ang usa ka Dugong o Sea Cow sa may Sitio Ehol, Brgy Tucal,Sarangani Davao Occidental.
Nasayran nga ang maong isda gibana-banaan nga dunay gibug-aton nga 60-70 kilos diin dos metros ang katas-on.
Paspas sab nga gi-respondihan sa mga personahe sa Municipal Environment & Natural Resources (MENRO) nga gipangunahan ni Greybert Malinog.
Sa gihimong pagsusi, namatay ang maong species gumikan naabtan kini og hunas, dali sab nga gilubong sa lugar nga layo sa mga balay ang maong isda.
