Dugang tulo ka call centers ang gipa-lockdown sa City Government tungod sa nagkadaghang kaso sa Covid-19.
Suma total, lima na ka call centers ang gi-lockdown, sumala ni Dr. Michelle Schlosser, focal person sa City Inter-Agency Task Force on COVID-19.
Usa ka letter of Containment Strategy ang gi serve sa miaging Miyerkules silbing mando sa pag undang sa ilang operasyon.
Sumala ni Schlosser, ang kadugayon sa lockdown magdepende sa evaluation sa mga eksperto.
Ang unang call center o BPO company gimanduan sa pag hunong sa operasyon niadtong Mayo 27 ug gisundan sa ikaduhang call center niadtong Mayo 31.
Base sa data, sulod sa usa lang ka semana taliwala Mayo 23-29, 142 ka mga call center agents ang nagpositibo sa Covid-19.
