Naghahanap ngayon ang Department of Trade and Industry o DTI Sorsogon ng kanilang pwedeng maging katuwang sa pag-aaral o pananaliksik sa potensyal ng coco sugar lalo na at sagana sa produktong niyog ang Sorsogon.
Matatandaan na ngayong taon ay naglaan ng pondo ang ahensya para sa kanilang ProDev o Product Development Project na magsasanay sa mga Small, Medium Enterprises o SMES beneficiaries sa pagbuo ng mga bagong produkto na mayroong international standard o mark-value products partikular ang mga produktong likha mula sa niyog o coconut crafts kung saan sa kasalukuyan ay mayroon nang sampung SMEs beneficiaries ang DTI para sa nasabing proyekto.
Ayon kay DTI Provincial Director Ma. Lourdes Pancho, makakatulong din umano ito upang ma-enhance ang mga kasalukuyang lokal na produktong pang komersyo sa lalawigan.
