GIHAYAG sa Department of Trade and Industry (DTI) nga ilang sutaon ang posibilidad nga magpagawas og mga “suggested retail prices” (SRP) alang sa mga schools supplies pipila ka bulan una ang pagpadayon ang klase.
Ang DTI ang nag-iisyu lamang ug mga SRP alang sa mga nag-unang palaliton sama sa bugas, de-lata, asukal ug uban pang gamitunon sa panimalay.
Depensa usab ni Trade Undersecretary Ruth Castelo nga dili nila nire-regulate ang school supplies tungod dili kini makonsiderang basic needs.
Sa karon, wala pay gipagawas nga bulletin ang DTI kalabot sa adjusted prices sa mga nag-unang palaliton gumikan kinahanglan pa tun-an pag maayo sa ahensya kung kinahanglan pa ang pag taas sa presyo sa mga nag-unang palaliton o basic needs.
Nahisgutan usab ni Castelo kung kanus-a ipagawas sa DTI ang musunod nga mga SRP Bulletin niini ug kung ilakip na dinhi ang price caps alang sa mga school supplies.
Apan nahisgutan usab sa Trade Official nga sa kasamtangan, ang nag-unang supermarket ang gasunod sa presyo sa nahisgutang ahensya.
