GIPANGANDAMAN na sa Department of Social Welfare and Development o DSWD region-12 ang umaabot nga Solo Parents Week nga gipahigayon matag Abril 15 hangtud 21 kada tuig.
Alayun niini ang DSWD-12 ang magpahigayon og nagkadaiyang aktibidad aron nga mapalapdan ang expanded solo parents law ug paghatag kanila og pag-empower kanila bisan sa ilang sitwasyon.
Segun kang Ryan Balanza, head sa Protective Services Division nga lakip sa mga aktibidad mao ang pagbutang og mga streamers, radio guesting, trivia ug awarding ceremonies alang sa pag promote sa balaod nga nagaprotekta sa kaayohan sa mga solo parents.
Lakip sa plano mao ang pag-ila sa solo parents sa ahesya, pagsalmot sa paglusad sa LGU-led solo parents week ug pag-coordinate sa mga solo parents federation officers.
