Nasa alert status na ang Department of Social Welfare and Development (DSWD) bilang paghahanda sa Bagyong Kristine.
Ipinag-utos ni DSWD Sec. Rex Gatchalian ang pagiging alerto ng Disaster Response Management Group (DRMG), gayundin ang kahandaan sa pamamahagi ng tulong sa lahat ng mga lokal na pamahalaan na inaasahang maaapektuhan ng bagyo.
Ayon kay Gatchalian, dapat matiyak na ang nakaimbak na pagkain ay ‘in full strength’.
Kaugnay nito, sinabihan na rin ng kalihim ang National Resource Operations Center (NROC) na mag-double time para sa pag-e-empake ng food packs.
