Presente nga naga-usoy it mga konkreto nga pamaagi ro Department of Social Welfare and Development (DSWD) agud mataw-an it cash aid ro mga estudyante nga uwa it gadgets o access sa internet matapos gin-require ro mga qualified recipients nga magparehistro online.
Base sa DSWD, nagtao eun sanda it madato sa maeain-eain nga mga field offices sa Western Visayas nga maghimo it mga plano agud maabot ro mga nagakalisod nga mga estudyante kapin eun ro naga-istar sa maeayo nga lugar.
Target makara it DSWD ro nagaabot sa 375,000 hasta 400,000 ka mga recipients nga mataw-an it ayuda it programa./JIL B. LACSON
