Iga-turnover it Department of Social Welfare and Development KALAHI-CIDSS (Kapit-Bisig Laban sa Kahirapan-Comprehensive and Integrated Delivery of Social Services) ro masobra P1.9 million road project sa banwa it Balete, Aklan.
Si Promotive Services Division Chief Luna Moscoso ro maga-representa sa social welfare agency sa turnover rites.
Ro KALAHI-CIDSS hay nagtao it masobra P1.8 million nga grant, samtang ro local government unit hay nagtao it masobra P91,000 bilang local counterpart contribution kara para sa pagkumpleto it road project sa Sitio Bota, Barangay Cortes.
Ro 122-meter road project hay joint project it Barangays Cortes, Guanko, ag Oquendo ag ro maka-benepisyo kara hay ro 1,464 nga mga indibidwal halin sa nasambit nga mga barangay.
Ro nasambit nga proyekto hay iga-turn over sa municipal government pinaagi kay Mayor Dexter Calizo, pagkatapos hay igatao raya sa local government unit sa Cortes Worker’s Association.
Ro asosasyon ro magapamuno sa pag asikaso ag pag-maintain it proyekto matapos rayang i-turn over kanda. // ANN DESLENE SALAZAR
