Ku Agosto 30 hay nagpaguwa ro DSWD Field Office VI it P8-million nga balor it bulig sa mga pamilyang apektado it habagat nga ginpabaskug it bagyong Goring.
Ginpasaeamatan ni Atty. Carmelo N. Nochete, regional director it DSWD-6 ro tanan nga field staff nga ginpasiguro nga maihatud ro bulig sa mga LGUs.
Gindayaw man nana ro mga LGU sa madasig nga pagpanupod it goods sa mga naapektuhan.
Ro Iloilo ag Negros Occidental ro nataw an it mabahoe nga bulig bangud maabu ro naapektuhan it pagbaha igto tuga it bagyo.
Ro Antique ag Bacolod City hay nataw an man it ayuda kaparehu it family food packs ag non-food items.
Sa nasambit nga balor it bulig nga gin-release it DSWD, nataw-an ro Antique it P373,312; Iloilo nga may P3.4 million; Iloilo City nga may P99,400; Negros Occidental, nga may P2.9 million; ag Bacolod City, nga may P1.1 million. // ANN DESLENE SALAZAR