Nag release ro Department of Social Welfare and Development (DSWD) Field Office VI it kabilugan nga P60,000 financial assistance sa mga biktima it bus tragedy sa Hamtic, Antique.
Ro nasambit nga aksidente hay ginkamatay it 18 katawo ag ginkanina it 10, base sa Hamtic LDRRMO as of 1:15 pm ku December 7.
Sa 10 survivors, 6 ro sa kritikal nga kondisyon sa ospital sa Iloilo City samtang ro ap-at hay sa estable nga kondisyon.
Pinaagi it DSWD’s Assistance to Individuals in Crisis Situation (AICS), ro mga pamilya it 6 nga biktima nga naka-confine sa Western Visayas Medical Center (WVMC) hay nag-claim eon it andang financial assistance nga nagabalor it Php10,000 kada sambilog.
Ro ahensya hay nag coordinate eon man sa Local Social Welfare and Development Offices (LSWDOs) para sa release it financial assistance sa iba pang biktima.
Nagapatigayun man ro DSWD 6 it dugang nga assessment agud matumod ro iba pang bulig nga kinhangean it mga biktima ag andang pamilya. // ANN DESLENE SALAZAR
