CEBU CITY –Gibutyag sa Philippine Drug Enforcement Agency-7 nga gikan sa buwan sa Enero hangtud sa Hunyo niining tuiga anaa sa 84 kilos nga shabu ang ilang nasakmit diin mas menos kini kung itandi sa niaging tuig sa samang mga buwan nga niabot sa 95 kilos.
Matud ni Leia Alcantara, tigpamaba sa PDEA-7 nga sa niaging tuig niabot og kapin P645 milyones ang ilang nasakmit nga droga sulod sa unom ka buwan apan karung tuiga anaa lang sa P577 milyones.
Gipadayag sa PDEA-7 nga usa sa dako og natampo nga nimenos ang nasakmit nga drugas tungod kay wala sila mohunong sa pagpahigayon og anti-illegal drug operations sa tibuok Central Visayas.
Sa kasamtangan adunay 1,531 ka drug cleared barangays sa tibuok rehiyon 7 ug 1,356 nalang ang wala pa nadeklara nga drug cleared.//
