NABUNGKAG sa Davao del Norte Provincial Office sa Philippine Drug Enforcement Agency Regional Office XI kauban ang Davao del Norte Police Provincial Office ug Tagum City Police Station ang drug den nga nahimutang sa Purok Carig, Barangay Mankilam, Tagum City, Davao del Norte.
Subject sa drug buy-bust operation mao ang usa ka Emma Latu-ab alyas Emma, 46, nga positibong napalitan sa PDEA Agent kinsa miaktong poseur buyer, nakuha nini ang P10,000 kantidad sa gituohang shabu.
Nadakpan sab sa maong operasyon ang mga kaubanan niini nga sila Edgar Tilacan, drug den maintainer ug ang drug den visitor nga si Rudelyn Parallon.
Samtang, laing pakete sa gituohang shabu ang nakompiska diin mukabat sa pito ka gramos nga muabot sa kapin kon kulang Php 47,600.00, nagkadaiyang drug paraphernalia ug ang buy-bust money.
Kasong paglapas sa Republic Act 9165 kon Comprehensive Dangerous Drugs Act of 2002 ang atubangon sa suspek.
