Labihang gubaa sa nawong nga bahin sa usa van human nga nibangga sa center island kagahapon sa kadlawon sa Leon Garcia St., Agdao, ning dakbayan sa Davao.
Sa report, gikan ang maong van sa kanto Sta Ana Avenue ug naglawig sa Leon Garcia St., padulong R. Castillo St. ug pag abot sa junction padulong nga dalan sa R. Castillo ug Cabaguio Avenue, kalit na lamang kini nga nibangga sa nakababag nga bakal sa dalan ug nilahaos sa kilid sa Agdao Fly-Over.
Gumikan sa nahitabo, nadamyos ang van, barriers ug ang signage sa kalsada.
Nasayran nga nakatulog ang driver sa maong van nga nailang si alyas Emmanuel P. Vermont hinungdan sa pagkabangga niini.
