PADAYUN pa ang gihimong imbestigasyon sa kapulisan sa pagkapusil patay sa ang usa ka driver sa ambulansya sa munisipyo sa Polomolok, Oktubre 20 sa gabii
Giila ni PLt Col Johnny Rick Medel, hepe sa Polomolok Municipal Police Station ang biktima kang Ezekiel Evangelista 42-anyos, casual sa Municipal Health Office.
Sa imbestigasyon sa kapulisan, pauli na sa ilang balay ang biktima dihang gipusil sa armadong lalaki nga nakasakay sa motorsiklo asa narekober sa crime scene ang duha ka basiyo sa bala sa kalibre 45 nga pusil.
Sumala usab kay Kapitan Efren Cordon walay record sa Barangay Lupon ang biktima nga nalambigit sa unsa man nga kaguliyang apan sa iyang nahisayran aduna kini kaso.
Sa bahin sa pamilya handom nila ang hustisya,sumala kay Macky Penig wala usab sila nagdahom sa hitabo,may upat ka anak ang biktima unya kapin tuig na nga naga trabaho sa munisipyo isip driver sa ambulansya,pipila ka adlaw pa lang usab daw nga na abswelto sa kaso.
Ang biktima gipusil pipila ka metros gikan sa intrada pasulod sa Barangay Lumakil alas 11 sa gabii,dali usab nga nisibat ang namusil. I Ver Diazon
