Patay ang driver sa boom truck homan nga na-unay og kaipit sa iyang gimaneho nga sakyanan sa Barangay Mindagat Malitbog Bukidnon.
Naila ang biktima nga si Goryjoy Evangelio, 38 anyos nga taga Barangay San Luis sa maong lungsod.
Sigun sa Malitbog Disaster Risk Reduction and Management Office nga nawad-an og control ang driver sa truck sa dulhogon, bahada ug
kurbada nga dalan sa maong lugar nga maoy hinungdan nga milagpot kini padulong sa atubangan nga windshield sa maong truck.
Gi-ingong nabangil ang ulo ug ang dughan sa driver hinungdan nga gidali kini og rescue ug gidala sa Bukidnon Provincial Hospital-Malitbog apan gideklarang dead on arrival.
Samaron sab ang usa ka pahinante sa maong disgrasya nga naila si Jay R Tubalado 32 anyos nga taga Lanao.
Nagpadayon karon ang imbestigasyon ug gi-asikaso na sa pamilya ang pagpahiluna sa patay’ng lawas sa biktima.
