Kritikal ru driver it kotse matapos maaksidente sa gina manehong HONDA CIVIC SEDAN sa Brgy. Linabuan Norte, Kalibo, Aklan.
Sa imbistigasyon, nakilaea ru driver nga si John Erick Taroza, sa legal nga edad ag residente it Brgy. Andagaw, Kalibo, Aklan.
Sa initial nga imbistigasyon it Kalibo MPS, halin sa Banga paadt it Kalibo ru kotse nga may plate number No. GCT 205 kat matabo ru aksidente.
Naka angkon it patal nga tama sa liog ag parte it kaeawasan ru biktima matapos nga bumangga sa pader ag naigpit sa gina manehong kotse.
Posibleng naka tueogan sigun sa gina manehong kotse ru biktima.
Eagi man nga gin daea sa sangka pribadong hospital ru biktima it MDRRMO-Kalibo, PDRRMO-Aklan, BFP-Kalibo ag Kalibo MPS.
Samtang, padayon pang gina imbistigahan it mga kapulisan ru natabong aksidente.//MARIVIC Y. ILIN
