Patay ang isa ka drayber sang motorsiklo matapos nalumos samtang nagapaligo sa Panay River sa mismo nga adlaw sang Biyernes Santo sa Barangay Garcia, Tapaz, Capiz.
Ginkilala ang biktima kay Elmar Cayetano Gabas, 37-anyos, kag residente sang Sitio Arisgal, Brgy. Cristina sa nasambit nga banwa.
Sandig sa imbistigasyon sang Tapaz PNP, takna alas-3:30 sang hapon ginapahayag nga natalupangdan nalang sang mga kaupdanan sini nga nagakapa-kapa ang biktima sa pinakamadalum nga parte sang suba ukon sa quarry site antes ini nadula sa ibabaw sang tubig.
Gilayon nga naghiwat sang search and rescue operation ang iya nga himata kag pila ka mga Barangay Tanod nga nagresponde sa lugar.
Mahibaluan, nga yara sa impluwensya sang makahulubog nga ilimnon ang biktima antes ini nagpaligo sa amo nga suba.
Ginpadangat pa sa Tapaz District Hospital si Gabas apang gindeklarar ini sang doktor nga dead on arrival.
Sa karon, yara na sa isa ka punerarya ang bangkay sang biktima. //KMD Gicalde
