Arun nga masigurong luwas ug hapsay ang tanan atol sa kasaulogan sa 38th Kadayawan Festival sa Davao, nagpagawas ang lokal nga kagamhanan og pahimangno sa publiko.
Labi na ang angayan ug dili angayan nga buhaton o dalaon atol sa maong kasaulogan.
Pipila lamang niini mao ang dili pagdala og mga hait nga mga butang o armas, backpacks o mga dagkong bags, likayan sab ang pagdala og mga bata, dili pagpanigarilyo sa pampublikong lugar, kinahanglan nga huboon ang jacket ug tanggalon ang sunglasses sa higayon nga muagi sa inspection areas, dili pag inum og ilimnong makahubog sa pampublikong lugar, gidili sab ang paggamit og laser light, No bomb jokes, dili patakag labay sa basura ug gidili ang paggamit og drones gawas lamang kung dunay security clearance.
Samtang, giawhag sab ang publiko nga magsuot og kalo o diba kaha mangita og masilongan gumikan sa init sa panahon, magdala og candies ug crackers, magbalon og tubig ug ibutang kini sa transparent nga sudlanan, magdala og extra t-shirt ug labaw sa tanan mutabok sa pedestrian lanes.
