Opisyal ron nga ginbuksan kang Martes nga adlaw, Agosto 20, 2024 ang mga dormitoryo para sa mga babayi kag mga lalaki sa estudyante kang University of Antique.
Ginpakigbahin ni Dr. Ruzel Espino-Paller, Director kang Student Welfare and Other Services kag Dorm Manager nga iga-prayoridad sa dormitoryo ang mga estudyante nga miyembro kang Indigenous People (IP), 4Ps, may manaba nga income ang pamilya, kag ang naghalin sa marayu nga lugar nga naga-eskwela sa amo nga unibersidad.
Sa kadya, kapin 45 ang maga-occupy sa female dorm kag may masobra 40 naman ang kumpirmado nga magadayon sa male dorm para sa una nga semester kang AY 2024-2025.
Ang magadayon sa dormitoryo ang magabayad kang P600 kada bulan kag dugang nga P50 para sa pag gamit ka mga appliances kaangay kang rice cooker, heater, dugang nga ceiling fan, kag iban pa.
Dugang pa, may mga bakante pa sa dormitoryo kag sa mga interesado mag-apply, mag-agto sa opisina kang Student Affairs and Services (SAS) Division, sa 2nd floor kang old General Education Building dara ang dokumento kaangay kang Certificate of Indigency, Registration form (RF) kang enrollment, long white folder, kag sangka 2×2 ID picture.
Mahimo man nga magpadara kang mensahe sa Facebook Page kag Student Welfare and Other Services Unit.
Samtang, nauna ron man nga gin-discuss ni Director Dr. Espino-Paller ang mga rules and regulations para sa mga boarders kang nasambit nga dorm.
