Padayun nga nagabaskug ro domestic tourism sa isla it Boracay.
Makarun nga dag on, nailista ro 1,063,693 nga turistang bumisita sa isla halin it Enero hasta Hulyo, kung siin, masobra 9 porsyento ro gintaas kumpara sa magkaparehung period ku 2022.
Naglista man it record-high ro Boracay sa foreign tourists halin it Enero hasta Hulyo ag mas maabung international tourists ro bumisita sa isla makarun nga dag on kung siin nagsaka raya it 615 percent.
Bangud kara, ginaeauman nga mas pang magaabo ro bisita sa Boracay kapin hay naghaeuga eon ro travel restriction sa bilog nga Asya, partikular sa mainland China ag South Korea.
Ginapakita nga tumaas ro tourist arrivals it 31.44 percent sa unang pitong buean nga may 1,346,506 travelers kumpara sa nailistang 1,024,404 ku 2022. // ANN DESLENE SALAZAR
