Umabot na sa mahigit 3 milyong piso ang naipamahagi ng Department of Labor and Employment Region 2 sa ilalim ng COVID-19 Adjustment Measures Program (CAMP) 2.
Ito ang inihayag ni DOLE Region 2 Information Officer Chester Trinidad sa naging panayam ng 92.9 Brigada News FM Cauayan.
Aniya, ito ay katumbas ng nasa 63,200 na nabigyan ng one-time financial assistance na nagkakahalaga ng 5,000 sa bawat benepisaryo.
Sa ngayon aniya ay maari pa ring mag-apply sa naturang programa ang nasa tourism industry kung saan dadaan muna ang kanilang aplikasyon sa DOT para sa evaluation bago pumasok sa kanila ang mga datos.
Pinaalalahanan naman niya ang mga mag-aaply na kailangan ang active mobile number nila ang ilagay sa aplikasyon upang matanggap nila ang control number para sa kanilang makukuhang financial assistance.
