Ipapatawag umano ng Sangguniang Panlalawigan ang mga kinatawan ng Department of Labor & Employement o DOLE at PESO.
Ito ay kaugnay sa kontrobersyal na TUPAD Program ng DOLE na isiniwalat sa Tira Brigada ng isang beneficiary nitong nakalipas ng Linggo.
Nais alamin ng mga miyembro ng Sanggunian kung bakit may TUPAD beneficiaries ang hinahatian sa benepisyong sila lang dapat ang nakikinabang.
Samantala, inaasahan na makakadalo ang mga kinatawan sa unang Linggo ng Nobyembre para maliwanagan ang mga mambabatas sa umano’y katiwalian sa programa ng gobyerno para sa mga nawalan ng trabaho ngayong may pandemya.
