Inabisuhan ni Justice Secretary Jesus Crispin Remulla sina dating Bureau of Corrections (BuCor) chief Gerald Bantag na sumurrender na matapos mag-issue ng Muntinlupa Court ng warrant of arrest laban dito.
Giit ni Remulla kay Bantag, ‘just face the music.’
Kung alam umano ni Bantag na inosente siya, harapin niya pa rin ang kaso, sapagkat malalaman din naman aniya kalaunan ng mga judges ang katotohanan.
Kahapon, mababatid na pinaaaresto na ng Korte sina Bantag at si dating BuCor deputy officer Ricardo Zulueta kaugnay sa pagkakapatay sa mamamahayag na si Percy Lapid at sa pinaghihinalaang middleman na si Jun Villamor.
Paliwanag pa ng kalihim, ang inilabas na warrant of arrest ay sadya lamang bahagi ng due process.
