Ginakumpirma eon it Department of Health ro ginasugid nga sambilog sa daywa ka mga namatay sa probinsya it Antique bangud sa kaso it delta variant.
Base sa pahayag ni Health Undersecretary Maria Rosario Vergeire, ginabuoe pa nanda ro kumpletong impormasyon bangud ro sambilog segun nga namatay sa delta variant hay owa pa na-verify.
Nauna eon nga gin-report nga may daywa ka kaso it delta variant sa Antique kung siin, ro case number 34 hay namatay ku May 31 ag ro case number 35 hay nagmayad matapos magpaidaeum sa mandatory quarantine rasun nga gin-tag raya nga nakarekober ku June 18.
Nasayuran nga parehung may travel history ro daywa sa guwa it nasyun. / ANN DESLENE SALAZAR
