Hiniling ng Department of Health (DOH) sa susunod na administrasyon na ituloy ang ‘science-based health implementation’ kaugnay sa pagpapatupad ng public health policies.
Ayon kay DOH Undersecretary Maria Rosario Vergeire, ang pagpapalaganap ng misinformation at disinformation ang ilan sa mga pagsubok na kinakaharap nila sa gitna ng Covid-19 pandemic.
Aniya, dapat ipagpatuloy ang paggamit ng siyensya at ebidensya sa lahat ng desisyon at polisiya kaugnay sa naturang sakit.
Samantala, sinabi niya na sa tulong nito, magiging credible ang nagbibigay ng impormasyon sa publiko maging sa implementing units nito. (ARGIE ERGINA)
