Ipinaliwanag ni Department Of Health (DOH) Secretary Ted Herbosa na may “low fatality rate” ang monkeypox sa bansa dahil maaaring isang mahinang uri ito ng mpox na sinabi ng World Health Organization.
Ito ay ang variety ng sakit na tinatawag na clade II.
Ayon kay Herbosa, ang impeksyon ng 33 taong gulang na lalaki na tinamaan ng sakit ay maaaring mahinang uri rin lamang ng mpox, lalo’t wala naman itong travel history sa labas ng bansa.
Samantala, hindi naman inirerekomenda ng kalihim kay Pangulong Bongbong Marcos ang pagdedeklara ng public emergency.
Ito ay sa gitna ng mababang bilang ng mpox cases, at dahil din sa “low fatality rate.”
