BICOL- Bagamat tapos na ang kapaskuhan namamayani pa rin sa bawat Bicolano ang diwa ng pagtutulungan at pagbibigay.
Kahapon lamang ay nagpadala ng isang medical team ang Department of Health Bicol Center for Health Development sa CARAGA Region upang tumulong sa pagbibigay ng libreng pang-gagamot sa mga indibdiwal na biktima ng bagyong Odette.
Sa ulat aabot 15 medical practitioner mula sa Bicol Regional Training ang Teaching Hospital (BRTTH) ang patungo sa nasabing rehiyon upang magbigay ng serbisyong pangkalusugan sa mga mamamayan.
Ilan sa mga serbisyong ilalapit ng medical team ay ang mental at psychological services kalakip ng mga gamot, bitamina at hospital commodities na ipamamahagi ng mga ito sa mga nangangailangan.
