BICOL – LIWAT ngunyan na nagpagiromdom an Department of Health o DOH-Bicol sa mga posibleng epekto kan ipigtutudok na mga bakuna kontra covid-19.
Segun ki Dr. Rita Mae Ang Bon, Covid 19 Vaccination Program Regional Coordinator, normal sana an Adverse event following immunization o AEFI matapos mabakunahan nin huli ta ini an senyales kan nagpupuon na immune response kan hawak.
Base sa report, apwera sa injection site pain, parating namamatean kan mga nakakaresibe kan sinovac vaccine an pagkalula ,gatol o o pagkakaigwa nin rashes na tulos man na nawawara oras na makainom na nin bulong para digdi.
Igwa soboot nagkapirang umanong nakakaekperiensya nin paglangkaw nin blood pressure dahil sa takot asin kulba.
Mantang ordinary man soboot na side effect kan Astrazeneca vaccine iyo an body malaise o pagmati na nanluluya ang hawak mantang igwa man nagkakapira na nakakamati nin flu-like symptoms asin ini soboot an ‘common’ sa younger age group.
Segun sa doktor, nawawara man soboot an mga sintomas sa laog nin nagkapirang aldaw alagad bako gabos na nabakunahan na iyo an inaabisuhan na i-monitor ang kanilang mga sadiri sa laog nin sarong taon.
Igwa man soboot form na ipigtatao sa mga indibidwal na akaresibe na kan enot na dose kan bakuna para duman i-record an daily vital signs asin igwang numero na pwediser na apudan engkaso makaekpersiensya nin nin ibang epekto kan bakuna.
