KALIBO, AKLAN—Nagpadumdom do Department of Health Western Visayas Center for Health Development (DOH WV CHD) sa publiko nga mag-stay at home makarung long week end.
Dugang pa it ahensya, dapat nga likawan do paghiwat it mga maeagkuan nga family ag social gatherings, pag-agto sa mga malls ag iba pang bukon it imporatanteng panaw agud nga makalikaw sa risgo it pagkalat it COVID-19 infections.
Kung importante sigon do pagaagtunan hay maglikaw sa mga matawo at saradong lugar ag ipabilin do pagsunod sa minimum public health standards kapareho it pagsuksok it facemask, face shield, pag-sanitize ag paghugas it alima, pag-obserba it physical distancing ag kung sa indoor hay siguraduhong may maayos nga air circulation sa lugar.
Samtang, ginlaygayan man it DOH do publiko nga sa baylo nga magpatigayon it face-to-face gathering hay maggamit lang it online social media platforms raya hay dahil sa peligro it pagkalat it virus kung magkita-kita do mga tawo nga halin sa nagkasari-saring lugar eabi eon ag may local cases eon it Delta variant sa rehiyon.
Nasayuran nga holiday sa bilog nga pungsod sa Agosto 30 bangud sa pagkomemorar sa National Heroes Day. // SHERRY ANNE REUNIR-VIDAL
