KORONADAL CITY- NILINAW ng Department of Health (DOH) Region 12 na wala pang isinasagawang COVID 19 vaccination sa rehiyon para sa mga kabataan na may edad 12 hanggang 17 anyos.
Ayon kay DOH 12 health education and promotion officer Arjohn Gangoso na hinihintay pa nila ang advisory mula sa central office para sa vaccination ng mga menor de edad.
Inihayag din nito na wala pang ibinibigay na booster shot sa mga mamamayan sa Soccsksargen.
Sa ngayon, nagpapatuloy ang pamamakuna sa mga nasa A1 hanggang A5 priority groups.
Batay sa datos ng DOH 12 noong September 27, umabotna sa 971,681 doses ng COVID 19 vaccine ang naiturok sa naturang mga priority groups, kung saan 486,047 sa mga ito ang fully vaccinated na, habang 485,634 naman ang nakatanggap ng 1st dose.
Pinakamarami sa mga nabakunahan ay nasa priority group A3 o persons with comorbidities kung saan 238,191 na sa mga ito ang fully vaccinated laban sa COVID 19.
