Agud mas mapabaskog ro lokal nga industriya it turismo it Aklan, uman nga ginbuksan ro Kalibo International Airport sa mga turista nga gusto magbisita sa isla it Boracay.
Pero ro mga bakasyunista halin sa mga kaiping nga nasyun hay uwa gihapon ginapasugtan nga magbyahe bangud uman nga ginpatuman ro mga travel restrictions sa mga nasyun nga may direct flights sa Kalibo, Aklan agud malikawan ro COVID-19 Omicron variant.
Samtang, nagpahayag man it kumpiyansa ro gobyerno probinsiyal nga ro mga dugang nga domestic flights hay may positibo nga epekto sa lokal nga industriya it turismo sa Aklan.
Base sa rekord, mas nag-abo ro mga turista nga nag-abot sa Boracay, sa presente may average nga 3,000 ka mga bisita adlaw-adlaw ro isla./JIL B. LACSON
