Gikatakdang magdeklara og diarrhea outbreak ang lungsod sa Santo Tomas Davao del Norte human miabot sa 171 ka indibidwal o 128 ka pamilya ang apektado sa diarrhea sa usa ka barangay.
Kagahapon gibisita na sa mga lokal nga opisyal sa maong lungsod sa pagpanguna ni Municipal Administrator Atty. Elisa Evangelista-Lapiña ang Barangay Tulalian aron kumustahon ang mga residenteng naksinati sa pagsuka-kalibang, pagsakit sa tiyan nga komong sintomas sa diarrhea.
Gilayong gihatagan og medical assistance sa Municipal Health Office sa pagpanguna ni Municipal Health Officer Dr. June P. Lim ang mga nakatagamtam og amoebiasis.
Gisubay na usab sa MHO’s Sanitation Team ang komunidad aron sayron kung unsa ang ugat-hinungdan sa suliuran dungan sa pagpahigayon og household chlorination u gang community information and education campaigns mahitungod sa environmental sanitation.
Gihatagan na usab og 13 plastic beds, mga pagkaon ug ubang medical support ang mga pasyente nga ksamtangang giatiman sa barangay covered court.
Gitoohang hinungdan sa diarrhea mao ang tinubdan sa tubig mainom sa mga residente nga nakontamina.
