DAKPON na ang indibidwal nga masakpang wala nagsuot og face mask ug masakpang nagtagay sa gawas sa ilang balay.
Matud ni Mayor Vivien Yap, kinahanglang hugtan nila ang pagpatuman sa health protocols dungan sa pagsaka sa kaso sa Covid-19 sa lugar. Gibawal usab sa Glan ang paggawas sa mga bata, senior citizens ug person’s with comorbidities.
Makamulta sumala pa ang mga personalidad nga masakpan misupak sa health protocol karon nga ilawom na ang tibuok Sarangani sa General Community Quarantine (GCQ). Kahibaloan nga pipila ka purok sa lugar ang na-lockdown ni Yap human nakatala og positibong kaso sa virus. Samtang, gibawal na sa Glan ang home quarantine ug mikuha na kini karon og mga isolation facilities aron kabutangan sa mga nagpositibo sa Covid-19.
