Ginpatibay sa second reading it House of the Representatives ro House Resolution No. 77 nga naga engganyo sa Department of Foreign Affairs (DFA) nga magtukod it consular office sa banwa it Kalibo.
Ro nasambit nga resolusyon hay ginsumite ni Aklan First District Rep. Carlito Marquez ag Pangasinan 3rd District Rep. Maria Rachel Arenas para mas pang mapabaskug ro ikasarang it ahensya it gobyerno nga magtao it serbisyong konsulado sa mga pumueuyo sa probinsya it Aklan.
Suno kay Cong. Marquez, mabahoe ro maibulig it pagtukod it DFA-CO sa Kalibo, sa mga residente it Aklan ag mga kaeapit probinsya.
Nasayuran nga ro DFA hay may consular offices sa syudad it Iloilo ag Bacolod sa Western Visayas. // ANN DESLENE SALAZAR
