Nakaalerto ro barangay council it Bacan, Banga bangud sa serye it insidente it pagpanakaw sa nasambit nga lugar.
Sa interview it Brigada News FM Kalibo kay Punong Barangay Allen Robelo it Brgy. Bacan, ap-at nga sunod-sunod nga insidente it pagpanakaw ro nailista sa andang lugar ag tanan ngara hay andang nai-record sa barangay.
Pila sa mga tinakawan hay ro Bacan National High School, Bacan Elementary School, sangka baeay ag tricycle nga tinakawan it gasolina.
Gin alerto man ni Robelo ro mga residente sa Brgy. Bacan nga maging vigilante ag alisto para indi masalisihan it mga manakaw.
Sa makarun hay may una eon segun imaw nga target nga mga indibidwal nga responsable sa pagpanakaw sa andang lugar. // ANN DESLENE SALAZAR
