Gibutyag sa Department of Education-XI (DepEd) XI nga sundon sa ahensya ang desisyon ni Pangulong Duterte nga dili una ihinayon ang nahaunang planong paglusad sa pilot face-to-face classes kung asa lakip dinhi ang pipila ka eskwelahan sa Davao Region.
Sumala kang DepEd-XI spokesperson Jenielito Atillo, sundon sa ahensya ang pinal nga desisyon sa Presidente luyo nga nakaandam na ang 18 ka eskwelahan sa rehiyon alang sa physical classes.
Luyo niini, padayon gihapon matud pa nga mangandam ang kagawaran depende sa COVID-19 situation sa mga lugar nga malakip sa pagpahigayon sa face-to-face classes.
Kahibaluang pipila sa mga konsiderasyon sa pagpahigayon sa physical classes mao ang ubos nga kaso sa COVID-19, kaandam sa mga pasilidad ug ang mamahimong quarantine status sa mga lugar asa nahimutang ang eskwelahan. BNFM-DAVAO
