Winelcome ng Department of Education (DepEd) si Senador Sonny Angara bilang susunod na kalihim ng ahensya.
Sa isang pahayag, sinabi ng DepEd na umaasa sila sa pakikipagtrabaho sa bagong pamumuno, kasabay ng kanilang adhikain na pagbutihin ang kalidad ng basic education sa bansa.
Sa anunsyo kasi ng Presidential Communications Office (PCO), nakatakda nang i-appoint ni Pangulong Bongbong Marcos si Angara sa naturang puwesto.
Samantala, umaasa rin ang reform advocacy group Philippine Business for Education (PBEd) na ang mga karanasan ni Angara ay magpapabuti sa kakayahan ng pamahalaan na matugunan ang hamong kinahaharap sa sektor ng edukasyon.
