Nakalista ro Department of Education (DepEd) sa Western Visayas it kapin sa 360,571 nga estudyante sa early registration para sa school year 2022-2023.
Base sa DepEd Region 6, ro nasambit nga numero it mga estudyante hay igapaidaeum pa sa validation para sa posibleng saea nga tagging or encoding.
Ro early registrants hay ginaeakipan it 68,473 para sa Kindergarten; 104, 400 para sa Grade 1; 93,026 para sa Grade 7; ag 94,672 para sa Grade 11.
Nasayuran nga mas manaba ro numero it mga nagparehistro kumpara sa school year ngara nga may 387,156 early registrants.
Base sa proposal it DepEd, ro school year 2022-2023 hay magaumpisa sa Agosto 22. / ANN DESLENE SALAZAR
